Kaash…
Tu mere dil kay kareeb hota
Toh sunta is dil ki dhadkano ko
Hota hai kitna shor yahaan
Tujhsey bichadne ke ghum se

Kaash…
Tu mere zindagi ka naseeb hota
Toh zindagi aaj khiley gulab si hoti
Apni halki-hali khusboo’n se
Mere jeevan, ghar, aangan mehkata

Kaash…
Tu mil kay mujhse bichhda na hota
Toh aaj tere saath se, tere pyaar se
Mein khil-khilati muskurati har dum
Taa-umr tujhse hi mohabbat karti

Kaash…
Teri mohabbat bewafa na hoti
Toh mera masoom dil tuta na hota
Ummeed ka daaman chhuta na hota
Pyaar se bharosa utha na hota

Kaash…
Yeh dil toot kar chahta na tujhe
Toh aaj bhulna tujhe aasan hota
Kar baithi bhool tujhse dil laga kar
Ab pacchta kar kuch haath nahi aata

Heena Ahuja
https://www.facebook.com/pages/Heenas-Wings-iwrite/193028494121192